The news is by your side.

Advertisement

پنجاب میں کرونا کے 407 نئے کیسز سامنے آگئے، 12 اموات

لاہور: ترجمان پرائمری اینڈ سیکنڈری ہیلتھ کیئر پنجاب کا کہنا ہے کہ صوبے میں گزشتہ 24 گھنٹوں کے دوران کروناوائرس کے مزید 407 نئے کیسز رپورٹ ہوئے جبکہ 12 مریض انتقال کرگئے۔

تفصیلات کے مطابق پرائمری اینڈ سیکنڈری ہیلتھ کیئر پنجاب کے ترجمان نے بتایا کہ نئے 407 کیسز رپورٹ ہونے کے بعد صوبے میں کرونا مریضوں کی مجموعی تعداد 1 لاکھ7ہزار329ہوگئی ہے۔

پاکستان میں کورونا سے اموات کی تعداد 7 ہزار تک جاپہنچی

ترجمان کے مطابق کرونا وائرس سے مزید 12 مریض جاں بحق ہوئے جس کے بعد اموات کی تعداد2,420 ہوچکی ہے، پنجاب میں اب تک 16لاکھ89ہزار450ٹیسٹ کیے جاچکے ہیں۔ کروناوائرس کو شکست دینے والوں کی تعداد97ہزار651 ہوگئی۔

خیال رہے کہ پاکستان میں کرونا وائرس کی دوسری لہر میں شدت آنے لگی، نیشنل کمانڈاینڈآپریشن سینٹر نے کورونا کی صورتحال کے تازہ ترین اعداد و شمار جاری کردیئے۔

جس میں بتایا گیا کہ ملک میں 24گھنٹے کے دوران ایک ہزار637 کورونا کیسز رپورٹ ہوئے ، جس کے بعدپاکستان میں کورونا کے ایکٹیو کیسز کی تعداد 20 ہزار 45 ہوگئی جبکہ کیسز کی مجموعی تعداد 3لاکھ46 ہزار476 تک پہنچ گئی۔

Comments

یہ بھی پڑھیں