اسلام آباد : وفاقی دارالحکومت اسلام آباد میں ڈینگی کے مریضوں میں اضافہ جاری ہے، گزشتہ ایک روز میں مزید 46 ڈینگی مریض سامنے آگئے۔
گزشتہ24گھنٹے کے دوران ڈینگی میں مبتلا ایک اور مریض چل بسا، ڈسٹرکٹ ہیلتھ آفیسر زعیم ضیاء اسلام آباد کے مطابق گزشتہ 24 گھنٹوں کے دوران اسلام آباد کے مختلف علاقوں سے مجموعی طور پر اب تک 46ڈینگی کیس سامنے آئے ہیں۔
رواں سیزن کے دوران اسلام آباد میں مجموعی طور پر ڈینگی سے15افراد انتقال کرچکے ہیں جبکہ 24گھنٹے میں دیہی علاقوں سے12 اور شہری علاقوں سے34ڈینگی کے مریض سامنے آئے۔ اس کے علاوہ رواں سیزن میں مجموعی طور پر3643ڈینگی کیسز سامنے آچکے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں