The news is by your side.

Advertisement

پنجاب میں کرونا وائرس کے 475 نئے کیسز سامنے آگئے

لاہور: صوبہ پنجاب میں عالمگیروبا کروناوائرس کے مزید 475 نئے کیسز سامنے آگئے۔

تفصیلات کے مطابق ترجمان پرائمری اینڈ سیکنڈری ہیلتھ کئیر کا کہنا ہے کہ نئے کیسز سامنے آنے کے بعد پنجاب میں کرونا وائرس کے کنفرم مریضوں کی تعداد 11482 ہوگئی ہے۔

’لاہور میں کرونا 262 نئے مریض سامنےآئے، وبا سے اب تک 197 اموات ہوچکی ہیں جبکہ 4323 افراد صحت یاب ہوئے، اب تک کل 130546 ٹیسٹ کیے جا چکے ہیں‘۔

کچھ دیگر قبل وزیراعلیٰ سندھ مراد علی شاہ نے صوبے میں نئے کیسز سے آگاہ کیا۔

سندھ میں کورونا کیسز کی تعداد 12 ہزار سے تجاوز ، اموات 200 تک جا پہنچی

وزیراعلیٰ سندھ کا کہنا تھا کہ سندھ میں 24گھنٹے کے دوران کرونا کے مزید537 کیسز رپورٹ ہوئے اور 11 مریض انتقال کر گئے، جس کے بعد کیسز کی مجموعی تعداد 12017 اور اموات کی تعداد 200 ہوگئی۔

پاکستان میں کرونا وائرس سے مزید 28 افراد جاں بحق، تعداد 667 ہو گئی

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین کی عالمگیر وبا سے پاکستان بھر میں 30,941 افراد متاثر ہو چکے ہیں، ملک کے مختلف شہروں میں اس وقت کرونا کے زیر علاج مریضوں کی تعداد 22 ہزار 62 ہے، پاکستان میں 24 گھنٹوں کے دوران کرونا کے 1,476 نئے کیسز رپورٹ ہوئے، جب کہ اب تک 8,212 مریض وائرس سے لاحق ہونے والی بیماری سے صحت یاب ہو چکے ہیں۔

Comments

یہ بھی پڑھیں