پنجاب میں مزید 5قاتلوں کو سزائے موت دیدی گئی -
The news is by your side.

Advertisement

پنجاب میں مزید 5قاتلوں کو سزائے موت دیدی گئی

ملتان :سابق وزیراعلی پنجاب غلام حیدروائیں کے قاتل کو بائیس سال بعد تختہ دار پر لٹکادیا گیا جبکہ ڈی جی خان، بہاولپور اورلاہورمیں بھی سزائے موت کے چار مجرم منطقی انجام کو پہنچے.

پنجاب میں انسدادِ دہشت گردی ایکٹ کے تحت مزید پانچ مجرم اپنے منطقی انجام کو پہنچے، ملتان کے نیوسنٹرل جیل میں سابق وزیرِاعلی پنجاب غلام حیدر وائیں کے قاتل زمان عرف زمانی کو پھانسی دے دی گئی، زمان عرف زمانی نے انیس سو ترانوے میں سابق وزیرِاعلی پنجاب غلام حیدر کو انتخابی مہم کے دوران فائرنگ کرکے قتل کردیا تھا۔

ڈی جی خان سینٹرل جیل میں موت کے سزا یافتہ دو سگے بھائیوں کو پھانسی دیدی گئی، مجرم غلام اکبر اور حضور بخش نے انیس سو چھیانوے میں دوافراد کو قتل کیا تھا.

بہاولپور سینٹرل جیل میں بھی قتل کے مجرم محمد حسن کو پھانسی دے دی گئی، مجرم محمد حسن نے دوہزار پانچ میں معمولی تنازع پر ماں بیٹے کو کلہاڑی کے وار کرکے قتل کیا تھا۔

موت کی سزاپانے والے پانچویں مجرم انور شمیم کو لاہور کی کوٹ لکھپت جیل میں تختہ دار پر لٹکا دیا گیا، مجرم نے معمولی تنازع پر ایک شخص کی جان لی۔

Comments

comments

یہ بھی پڑھیں