The news is by your side.

Advertisement

کورنگی کی نجی کمپنی میں زیرِ زمین ٹینک کی صفائی کے دوران 6 مزدور ہلاک

کراچی: کورنگی انڈسٹریل ایریا میں واقع ایک نجی کمپنی میں کیمیکل ٹینک کی صفائی کے لیے ٹینک میں اترنے والے 8 مزدوروں میں 6 ہلاک اور 2 کی حالت تشویشناک ہے۔

تٖفصیلات کے مطابق کراچی کے صنعتی علاقے کورنگی انڈسٹریل ایریا میں واقع پلاسٹک کا دانہ بنانے والی کمپنی میں آج ہفتہ واری چھٹی کے باعث پلانٹ بند تھے،اس لیے نجی کمپنی زیرِ زمین ٹینک کی صفائی کا کام جاری تھا،8 مزدور ٹینک میں صفائی کے لیے اترنے جنہیں بے ہوش ہونے پر جناح ہسپتال منتقل کیا گیا۔

ڈائریکٹر جناح ہسپتال سیمی جلالی کے مطابق لائے گئے 8 مزدوروں میں سے 6 مزدور جانبر نہ ہوسکے جب کہ 2مزدوروں کی حالت تشویشناک ہے جنہیں طبی امداد دی جا رہی ہے ہلاک ہونے والے مزدوروں کے نام عرفان، معراج، عبدالرحیم، عبد الغفار اور اربازہیں۔

ہلاک ہونے والے تمام مزدور کورنگی کے رہائشی بتائے جاتے ہیں،تھانہ کورنگی کی پولیس نے مقدمہ درج کر کے تحقیقات شروع کر دی ہیں.


کورنگی فیکٹری میں 6افراد کی پُراسرار موت


یاد رہے اس قبل کورنگی انڈسٹری ایریا میں اچار بنانے والی فیکٹری میں بھی حادثہ پیش آیا تھا،جس میں فیکٹری کا مالک اور 6 مزدور ہلاک ہو گئے تھے

Comments

comments

یہ بھی پڑھیں