The news is by your side.

Advertisement

اےآروائی نیوز کی خبر پر ایکشن، ایف آئی اے کے5افسران کاتبادلہ روک دیا گیا

اے آر وائی نیوز کے معاملہ اٹھانے پر ایف آئی اے کے  گزشتہ روز تبادلہ کیے گئے 9 افسران میں سے 5 افسران کا تبادلہ روک دیا گیا۔

اے آر وائی نیوز کے مطابق گزشتہ روز نو افسران کا پنجاب سے سندھ تبادلے کا نوٹیفکیشن جاری کیا گیا تھا، ان میں 5 ایسے افسران بھی شامل تھے جو شہباز شریف اور جہانگیر ترین کیس کی تحقیقات کررہے تھے۔

اے آر وائی نیوز پر خبر نشر ہونے کے بعد متعلقہ حکام حرکت میں آگئے اور شہباز شریف اور جہانگیر ترین کیس کی تحقیقات کرنے والے پانچ افسران کا تبادلہ منسوخ کردیا گیا ہے۔

ذرائع کے مطابق جن افسران کا تبادلہ منسوخ کیا گیا ہے ان میں اسسٹنٹ ڈائریکٹر علی مردان شاہ، اسسٹنٹ ڈائریکٹر ارشد بٹ، اسسٹنٹ ڈائریکٹر زوار احمد، شیراز عمر اور رانا فیصل منیر شامل ہیں۔

مذکور افسران چینی سٹہ مافیاز، شہباز شریف اور جہانگیر ترین کیس کی انکوائری کررہے تھے۔

ڈائریکٹرایف آئی اےلاہورنے بھی تبادلوں کی منسوخی کیلیےڈی جی ایف آئی اے کوخط بھی لکھ تھا۔

واضح رہے کہ گزشتہ روز 9 افسران کا پنجاب سے سندھ تبادلے کا نوٹیفکیشن جاری کیا گیا تھا۔

Comments

یہ بھی پڑھیں