لاہور: وزیر جنگلات پنجاب نے فرائض میں غفلت برتنے پر 5 افسران کو معطل کر دیا۔
سیکرٹری جنگلات نے شکایات موصول ہونے پر معطلی کے احکامات جاری کئے۔ افسران پراختیارات کےناجائز استعمال، بدانتظامی اور فنڈز میں خورد برد کا الزام تھا۔
معطل افسران میں رینج فاریسٹ آفیسر سفارش علی، ایس ڈی ایف او فرید احمد، رینج فاریسٹ آفیسرز منیر انجم، ریاض احمد اور ڈویژنل اکاؤنٹنٹ محمد ظفر شامل ہیں۔
سیکریٹری جنگلات کی جانب سے جاری نوٹیفکیشن کے مطابق افسران کو پیڈا ایکٹ کے سیکشن 6 کے تحت معطل کیا گیا۔ معطل ہونے والوں کا تعلق بہاولپور اور بہاولنگر سے ہے۔
وزیر جنگلات کا کہنا ہے کہ کسی بھی سطح پر کرپشن کی سخت حوصلہ شکنی کی جائے گی۔
Comments
- Advertisement -
