The news is by your side.

Advertisement

کرپشن و بدعنوانی کی شکایات پر 5افسران و اہلکار معطل

اسلام آباد: وفاقی دارالحکومت اسلام آباد میں کرپشن و بدعنوانی کی شکایات پر 5 افسران واہلکاروں کو معطل کر دیا گیا۔

تفصیلات کے مطابق ڈی آئی جی آپریشنز کا کہنا ہے کہ کرپشن و بدعنوانی کی شکایات پر 5 افسران واہلکاروں کو معطل کر دیا گیا،چار تھانوں کے ایس ایچ اوز کو بھی تبدیل کر دیا گیا۔

ڈی آئی جی آپریشنز وقار الدین سید کے مطابق ایس ایچ او کورال اشتیاق شاہ کو معطل کر کے ریسکیو 15 تبادلہ کر دیاگیا، ایس ایچ او نیلور محمد حنیف کو بھی معطل کر کے ریسکیو 15 بھیج دیاگیا۔

انہوں نے بتایا کہ ایس آئی آپریشنز محمد آصف کو معطل کر دیا گیا، تھانہ سبزی منڈی میں تعینات کانسٹیبل اسد کو بھی معطل کر دیا گیا۔ڈی آئی جی آپریشنز کا کہنا تھا کہ محکمہ پولیس میں کرپشن برداشت نہیں کی جائے گی، کرپشن میں ملوث اہلکاروں کو مثالی سزائیں دی جائیں گی۔

Comments

یہ بھی پڑھیں