The news is by your side.

Advertisement

پولیس کی بروقت کارروائی، کورنگی کراچی کی مغوی بچی بازیاب

کراچی: پولیس کی بروقت کارروائی میں کورنگی کراچی کی مغوی بچی بازیاب کرا لی گئی، واردات میں ملوث 3 اغوا کار بھی گرفتار کر لیے گئے۔

اے آر وائی نیوز کے مطابق کراچی کے علاقے کورنگی سیکٹر51 بی سے 5 سالہ بچی اغوا کی گئی تھی، جسے پولیس نے کارروائی کرتے ہوئے 12 گھنٹے بعد بازیاب کر لیا۔

پولیس کا کہنا تھا کہ بچی کے اغوا میں ملوث تینوں اغوا کاروں گرفتار کر لیا گیا ہے۔ قبل ازیں بچی کے لاپتا ہونے کا مقدمہ زمان ٹاؤن تھانے میں ماموں کی مدعیت میں درج کیا گیا تھا۔

ایف آئی آر کے مطابق بچی صبح دیگر بچوں کے ساتھ گھر کے باہر کھیل رہی تھی، اس دوران وہ اغوا کر لی گئی، صبح سے سارا دن بچی کو تلاش کیا گیا لیکن کچھ پتا نہیں چلا۔ بچی کے اہل خانہ نے پولیس کو موقع کی سی سی ٹی وی فوٹیج بھی فراہم کی، جس میں ایک شخص کو بچی کے پاس کھڑے اور پھر اس کے پیچھے جاتے دیکھا گیا۔

کراچی، رینجرز اور ایس آئی یو کی مشترکہ کارروائی، مغوی بازیاب، 4 اغوا کار گرفتار

بعد ازاں، پولیس نے واقعے کا مقدمہ درج کر کے ویڈیو والے شخص کی تلاش شروع کر دی، پولیس بارہ گھنٹوں بعد ہی اغوا کاروں تک پہنچ گئی اور بچی کو بازیاب کرا لیا گیا۔

یاد رہے کہ دو دن قبل ایس آئی یو نے کراچی میں ایک کارروائی میں محمود آباد کے علاقے سے اغوا ہونے والے شہری غلام شبیر کو بازیاب کرایا تھا، اور 4 اغوا کاروں کو گرفتار کیا گیا تھا، مغوی کو 27 اپریل کو اٹھایا گیا تھا۔ ملزمان نے مغوی کی رہائی کے لیے 5 کروڑ روپے تاوان طلب کیا تھا۔

Comments

یہ بھی پڑھیں