The news is by your side.

کتنے سال بعد وزیراعلیٰ سندھ ہاؤس آج وزیراعظم کی میزبانی کریگا؟

وزیراعظم شہباز شریف آج دورہ کراچی کے موقع پر وزیراعلیٰ سندھ ہاؤس بھی آئیں گے یہ کسی وزیراعظم کا 5 سال بعد وزیراعلیٰ سندھ ہاؤس کا دورہ ہوگا۔

اے آر وائی نیوز کے مطابق وزیراعظم شہباز شریف ایک روزہ دورے پر کراچی پہنچ رہے ہیں وہ مزار قائد پر حاضری کے بعد ایم کیو ایم کے عارضی مرکز بہادر آباد کا دورہ کرنے کے ساتھ وزیراعلیٰ سندھ ہاؤس بھی جائیں گے۔

یہ 5 سال بعد ہوگا کہ کوئی وزیراعظم وزیراعلیٰ سندھ ہاؤس آئے گا اس سے قبل سابق وزیراعظم نواز شریف نے 2017 میں وزیراعلیٰ سندھ ہاؤس کا دورہ کیا تھا۔

نواز شریف کی نااہلی کے بعد ان ہی کی جماعت سے بننے والے وزیراعظم شاہد خاقان عباسی تقریبا ڈیڑھ سال وزیراعظم رہے لیکن انہوں ںے اس مدت کے دوران وزیراعلیٰ سندھ ہاؤس کا دورہ نہیں کیا۔

سابق وزیراعظم عمران خان نے بھی اپنے پونے چار سالہ دور اقتدار میں کئی بار کراچی کا دورہ ضرور کیا لیکن وزیراعلیٰ سندھ ہاؤس نہیں آئے اور تمام سرکاری اجلاس گورنر ہاؤس میں کیے۔

Comments

یہ بھی پڑھیں