کراچی : وفاقی وزیر برائے بحری امور فیصل سبزواری کا کہنا ہے کہ گلف ممالک سے 50 ملین ڈالر کی سرمایہ کاری کا معاہدہ ہونے جارہا ہے۔
تفصیلات کے مطابق وفاقی وزیر برائے بحری امور فیصل سبزواری نے پریس کانفرنس کرتے ہوئے کہا کہ آئی ایم ایف نے دیگر ممالک سے سرمایہ کاری لانے کی شرط رکھی تھی، گلف ممالک سے 50 ملین ڈالرکی سرمایہ کاری کامعاہدہ ہونے جارہاہے۔
فیصل سبزواری کا کہنا تھا کہ سرمایہ کاری کرنیوالوں کو سرکاری ادارےتنگ نہیں کر سکیں گے، معاہدوں کیلئےسمری مرتب کر لی گئی ہے، سمری پیر کو وزرات قانون کو ارسال کی جائے گی، سمری منظورہونے پر5 کروڑ ڈالرکی ایف ڈی آئی ملک میں آسکے گی۔
وفاقی وزیر برائے بحری امور نے بتایا کہ پاکستان اور یواے ای جی ٹوجی ایکٹ کے تحت مل کر کام کررہے ہیں ، دونوں ممالک بندر گاہوں پر بلک ٹرمینلزسمیت تین منصوبوں پر کام کر رہے ہیں۔
ان کا کہنا تھا کہ پورٹ قاسم میں 1250ایکڑاراضی پرانڈسٹریل پارکس قائم کیے جائیں گے، بیرونی سرمایہ کارانڈسٹریل پارکس میں سرمایہ کاری میں دلچسپی رکھتے ہیں، انڈسٹریل پارکس کی 18ماہ میں پورٹ اتھارٹی ترقیاتی کام کرے گی۔
