site
stats
پاکستان

سینیٹ میں 5 ہزار روپے کا نوٹ ختم کرنے کی قرارداد منظور

اسلام آباد: سینیٹ نے 5 ہزار روپے کے کرنسی نوٹ کو ختم کرنے کی قرارداد منظور کرلی، مذکورہ قرارداد پیپلز پارٹی نے پیش کی، وزیر قانون کا کہنا ہے کہ 5 ہزار کا نوٹ واپس لینے سے مالی بحران پیدا ہو گا۔

تفصیلات کے مطابق سینیٹ کا اجلاس چیئرمین سینیٹ میاں رضا ربانی کی زیر صدارت منعقد ہوا، اجلاس میں پیپلز پارٹی کے سینیٹر عثمان سیف اللہ نے قرارداد پیش کی کہ معیشت کے حجم کو کم کرنے کی عرض سے پانچ ہزار والے کرنسی نوٹ کو ختم کیا جائے۔

حکومتی ارکان کی مخالفت کے باوجود عثمان سیف اللہ کی قرارداد سینیٹ نے اکثریت رائے سے منظور کرلی۔ سینیٹر عثمان سیف اللہ کا کہنا تھا کہ حکومت پانچ ہزار کے نوٹ واپس لینے سے پہلے تین سال میں مناسب اقدام اٹھائے۔ قرارداد کا مقصد بینک اکاؤنٹس کے رحجان کو فروغ دینا ہے،پانچ ہزار والا نوٹ واپس لینے سے کرپشن کو کم کرنے میں کافی مدد ملے گی۔

دوسری جانب حکومت نے سینیٹر عثمان سیف اللہ کی قرارداد کی مخالفت کی۔ وزیر قانون زاہد حامد کا کہنا تھا کہ 5 ہزار کا نوٹ واپس لینے سے ملک میں مالی بحران پیدا ہو گا۔ اس طرح کا اقدام نہیں ہونا چاہیئے۔

واضح رہے کہ بھارت میں بھی مودی سرکار کی جانب سے کرپشن کی روک تھام کےلیے 500 اور ایک ہزار کے نوٹوں پر پابندی عائد کی گئی ہے، جس کے باعث بھارتی عوام کو شدید مشکلات کا سامنا کرنا پڑ رہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top