The news is by your side.

Advertisement

کراچی: بینک میں نقب زنی کی بڑی واردات، ملزمان لاکھوں روپے لوٹ کر فرار

کراچی: شہر قائد کے ایک نجی بینک میں نقب زنی کی بڑی واردات ہوئی، ملزمان 51 لاکھ روپے لوٹ کر فرار ہوگئے۔

تفصیلات کے مطابق کراچی کے علاقے سائٹ ایریا میں نجی بینک کی برانچ میں نقب زنی کی واردات ہوئی، ملزمان نے 51 لاکھ روپے لوٹ لیے۔

پولیس حکام کا کہنا ہے کہ اس واردات میں 2 سیکیورٹی گارڈز سمیت 4 ملزمان ملوث ہیں، ندیم نامی ایک سیکیورٹی گارڈ کو گرفتار کر لیا گیا ہے۔

پولیس کے مطابق واردات میں ملوث سیکیورٹی گارڈ مدثر اور 2 نامعلوم ملزمان فرار ہوچکے ہیں، مفرور ملزمان کی گرفتاری کے لیے چھاپے مارے جارہے ہیں۔

کراچی : شہاب الدین ہول سیل مارکیٹ کی 28 دکانیں لوٹ لی گئیں

علاوہ ازیں رواں سال فروری میں کراچی کے علاقے ڈیفنس میں بینک سے باہر نکلنے والے لڑکوں کو مسلح ڈاکوؤں نے دن دیہاڑے لوٹ لیا تھا۔

واضح رہے کہ کراچی کے پوش علاقے ڈیفنس میں دن دیہاڑے مسلح کار سوار شہری سے تقریباً 10 لاکھ روپے لوٹ کر باآسانی فرار ہوگئے تھے۔

یاد رہے کہ گذشتہ سال جولائی میں گلشن اقبال بلاک 2 میں ڈاکوؤں نے پہلے نجی بینک کے سیکیورٹی گارڈ کو قابو کیا اور پھرعملے کو یرغمال بناکر بینک میں موجود 57 لاکھ روپے سے زائد رقم لوٹ کر فرار ہوگئے تھے۔

شہر قائد میں بینک ڈکیٹی سمیت لوگوں سے لوٹ مار کی وارداتوں میں اضافہ دیکھنے میں آیا ہے۔

Comments

comments

یہ بھی پڑھیں