The news is by your side.

Advertisement

برازیل طیارہ حادثہ، 36 روز بعد پائلٹ زندہ سلامت برآمد

برازیلا: برازیل میں واقع جنگل میں گر کر تباہ ہونے والے طیارے کا پائلٹ 36 روز بعد زندہ سلامت برآمد ہوا۔

میڈیا رپورٹ کے مطابق برازیل میں واقع ایمازون کے جنگلات میں رواں سال جنوری میں طیارہ گر کر تباہ ہوگیا تھا، جس کے بعد ریسکیو ٹیموں نے ملبہ تلاش کیا مگر پائلٹ کا کوئی سراغ نہیں مل سکا تھا۔

رپورٹ کے مطابق سیسنا 210 ایک انجن والا طیارہ تھا، جس کو پرواز کے دوران فنی خرابی پیش آئی تھی۔

طیارہ چلانے والے خوش قسمت پائلٹ اینتھونی سینا نے بتایا کہ انہوں نے خطرے کو بھانپتے ہوئے جہاز سے چھلانگ لگا کر اپنی جان بچائی، اور پیرا شوٹ کی مدد سے جنگل میں باحفاظت اترے۔

انہوں نے بتایا کہ میں نے جنگل میں تقریباً 36 روز گزارے، اس دوران بھوک مٹانے کے لیے پودے اور پرندوں کے انڈے کھائے، جن کی وجہ سے میری زندگی محفوظ رہی ورنہ بھوک کی وجہ سے صورت حال مختلف ہوسکتی تھی۔

واضح رہے کہ برازیل کے حکام نے پائلٹ کی تلاش کے لیے کئی روز آپریشن کیا مگر انہیں کوئی کامیابی نہیں مل سکی تھی، بعد ازاں اُسے ہلاک قرار دے دیا گیا تھا۔

حال ہی میں جنگل سے لکڑیاں جمع کرنے والے شہریوں نے پائلٹ کو دیکھ کر حکام کو آگاہ کیا جس کے بعد اُسے ریسکیو کر کے اسپتال منتقل کیا گیا۔

Comments

یہ بھی پڑھیں