اسلام آباد: وزیراعلیٰ پنجاب عثمان بزدار کی معاون خصوصی برائے اطلاعات فردوس عاشق اعوان کی طبیعت ناساز ہوگئی۔
اے آر وائی نیوز کی رپورٹ کے مطابق ذرائع کا کہنا کہ معاون خصوصی برائے اطلاعات پنجاب فردوس عاشق اعوان کو طبیعت ناساز ہونے پر پاکستان انسٹیٹیوٹ آف میڈیکل سائنسز (پمز) اسلام آباد منتقل کیا گیا۔
ذرائع کا کہنا ہے کہ فردوس عاشق اعوان کا بلڈ پریشر کم ہوا تھا، وہ کل پمز میں چیک اپ کے بعد گھر روانہ ہوچکی ہیں۔
واضح رہے کہ فردوس عاشق اعوان کی سستے بازار کے دورے کے بعد طیعت خراب ہوئی تھی۔
علاوہ ازیں فردوس عاشق اعوان کا اپنے ٹویٹ میں کہنا تھا کہ آج صبح جتھے نواں کوٹ پولیس اسٹیشن پر حملہ آور ہوئے، جتھے پیٹرول بم اور تیزاب کی بوتلوں سے لیس تھے، حملے میں رینجرز اور پولیس اہلکار محبوس ہوگئے، 6 پولیس اہلکار زخمی ہوئے۔
آج صبح پٹرول بموں اور تیزاب کی بوتلوں سے لیس متشدد جتھے نواں کوٹ پولیس سٹیشن پر حملہ آور ہوئے۔ جہاں رینجرز اور پولیس اہلکار محبوس ہوگئے اور تقریباً 6پولیس اہلکار زخمی ہوئے۔ متشدد جتھے DSP نواں کوٹ سمیت 12پولیس والوں کو اسلحے کے زور پر اغواء کرکے اپنے مرکز میں لے گئے۔ pic.twitter.com/K8UFq4Xkv2
— Dr. Firdous Ashiq Awan (@Dr_FirdousPTI) April 18, 2021
فردوس عاشق اعوان نے لکھا کہ مرکز میں حملے کے لیے 50 ہزار لیٹر کا آئل ٹینکر بھی رکھا گیا ہے، پولیس کی طرف سے کوئی آپریشن پلان یا شروع نہیں کیا گیا، جوابی کارروائی ذاتی دفاع اور مغوی پولیس اہلکاروں کو بچانے کے لیے کی گئی۔
انہوں نے لکھا کہ جتھوں کے ہاتھوں 6 پولیس اہلکار شہید اور 700 سے زائد زخمی ہوچکے ہیں۔