The news is by your side.

Advertisement

وزیراعظم عمران خان سابق بھارتی وزیراعظم کی جلد صحت یابی کے لیے دعا گو

اسلام آباد: وزیراعظم عمران خان نے کرونا سے متاثر ہونے والے بھارت کے سابق وزیر اعظم من موہن سنگھ کی جلد صحت یابی کے لیے دعا اور اپنی نیک خواہشات کا اظہار کیا ہے۔

وزیراعظم عمران خان نے سماجی رابطے اور مائیکروبلاگنگ کی ویب سائٹ پر من موہن سنگھ کی صحت یابی کے حوالے سے تہنیتی پیغام جاری کیا۔

اپنے بیان میں عمران خان نے منموہن سنگھ کی صحتیابی کیلئےدعا اور نیک خواہش کا اظہار کیا۔

عمران خان نے ٹوئٹر پر اپنے پیغام میں لکھا کہ ’سابق بھارتی وزیراعظم من موہن سنگھ کی کوروناء سے جلد صحت یابی کیلئے دعاگو ہوں‘۔

واضح رہے کہ سابق بھارتی وزیراعظم منموہن سنگھ کو ایک روز قبل کرونا کی تشخیص ہوئی تھی جس کے بعد انہیں دہلی کے آل انڈیا انسٹی ٹیوٹ آف میڈیکل سائنسز  میں داخل کرلیا گیا۔ ڈاکٹرز نے من موہن سنگھ کی صحت کو تسلی بخش اور خطرے سے باہر قرار دیا ہے۔

مزید پڑھیں: کرونا وائرس سے بھارت میں بے تحاشہ اموات، قبرستانوں میں جگہ ختم

یاد رہے کہ بھارت میں کرونا کی تیسری لہر قہر برسا رہی ہے جس کی وجہ سے یومیہ بنیادوں پر نئے کیسز اور اموات میں اضافہ دیکھنے میں آرہا ہے۔ بھارتی میڈیا کے مطابق مرکزی حکومت مختلف ریاستوں میں مکمل لاک ڈاؤن کے نفاذ پر غور کررہی ہے، جس کا جلد اعلان متوقع ہے۔

Comments

یہ بھی پڑھیں