نیویارک: سماجی رابطے اور مائیکربلاگنگ کی ویب سائٹ ٹویٹر نے اکاؤنٹ ویریفائی سروس بحال کرنے کا اعلان کردیا۔
ٹویٹر کی جانب سے جمعرات کے روز 2017 سے بند سروس کو دوبارہ شروع کرنے کا اعلان کیا گیا ہے، جس کے تحت اب تمام صارفین بلیو ٹک کے حصول کی درخواست دے سکتے ہیں۔
ٹویٹر کی جانب سے شائع کیے جانے والے بلاگ میں بتایا گیا ہے کہ حکومتی عہدیداران، شعبہ طب سے وابستہ افراد اور ادارے، مختلف کمپنیاں، برانڈز، فلاحی تنظیمیں و ادارے، نیوز سے وابستہ ادارے اور افراد، انٹرٹینمنٹ، اسپورٹس اور سماجی اداروں سے وابستہ افراد ویریفائی کے لیے آن لائن درخواست فارم بھر سکتے ہیں۔
Dear “can you verify me” ––
Save your Tweets and DMs, there’s a new official way to apply for a blue badge, rolling out over the next few weeks.
You can now submit an application to request verification in-app, right from your account settings!
-Your verified blue badge source pic.twitter.com/2d1alYZ02M
— Twitter Verified (@verified) May 20, 2021
ٹویٹرک کے مطابق ابتدائی مرحلے میں 6 کیٹگریز کو ترجیح دی جائے گی، وقت کے ساتھ ساتھ سسٹم کو مزید توسیع بھی دی جائے گی۔
صحافیوں اور فری لانس کام کرنے والوں کے لیے شرائط
ذرائع ابلاغ سے وابستہ اداروں اور ملازمین کو بھی اکاؤنٹ ویریفائی کروانے کے لیے شرائط پر اترنا ہوگا جبکہ فری لانس کام کرنے والوں کے لیے بھی چند شرائط مختص کی گئیں ہیں۔
Check out more on our improved verification policy, the lowdown on the new application, and what we’re working on next: https://t.co/40PPsu8360
And if you’re planning to apply, follow this thread for what you need to know about our eligibility criteria 👇
— Twitter Verified (@verified) May 20, 2021
صحافتی اداروں کو آزادی صحافت کے اصولوں پر عمل لازمی کرنا ہوگا جبکہ فری لانس اور اداروں سے وابستہ صحافیوں کو کسی اچھے اور بڑے ادارے میں 6 ماہ کے دوران کم از کم تین شائع ہونے والے مضامین کی تفصیلات فراہم کرنا ہوں گی۔
ٹویٹر کے مطابق آئندہ چند روز میں درخواست فارم دنیا بھر کے صارفین کو دستیاب ہوگا، صارف سیٹنگز کے مینیو میں جاکر اکاؤنٹ ویریفکیشن پر کلک کر کے درخواست دے سکتا ہے۔
شرائط
کسی بھی اکاؤنٹ کو ویری فائی کروانے کے لیے تین شرائط درکار ہیں، پہلی ادارے کی ویب سائٹ، دوسرا سرکاری شناختی کارڈ یا ڈرائیونگ لائسنس، تیسرا ای میل ایڈریس شامل ہیں۔
Your account has to be active and complete too!
✅ The account has a profile name and image
✅ You’ve logged into it in the last 6 months
✅ The account has a confirmed email address or phone number
✅ No 12-hour or 7-day lockouts for violating our rules in the past 12 months— Twitter Verified (@verified) May 20, 2021
صارف جس کیٹیگری کے لیے اپلائی کرے گا اُسے اسی کے مطابق معلومات دینا ہوں گی۔
اعلامیے میں واضح کیا گیا ہے کہ وہ صارفین ہی اکاؤنٹ ویریفائی کرنے کی درخواست دے سکتے ہیں جن کے اکاؤنٹ کی تفصیلات مکمل ہیں اور وہ 6 مہینے سے مذکورہ اکاؤنٹ استعمال کررہے ہیں۔
ٹویٹر نے بتایا کہ جن اکاؤنٹس نے ایک سال کے اندر کمیونٹی گائیڈ لائن کی خلاف ورزی کی ہوگی، اُن کی درخواست کو مسترد کردیا جائے گا، ساتھ یہ بھی بتایا گیا ہے کہ ایک ماہ بعد صارف اکاؤنٹ تصدیق کے لیے دوبارہ درخواست بھیج سکتا ہے۔
کن اکاؤنٹس کو ویریفائی نہیں کیا جائے گا؟
ٹویٹر کے مطابق نیوز فیڈ، مزاحیہ، کمنٹری اور ان آفیشل فین اکاؤنٹس سمیت پالتو جانوروں، افسانوی کرداروں، شدت پسندانہ مواد شیئر کرنے والوں اور کاپی پیسٹ کرنے والے صارفین کے اکاؤنٹس کی درخواست مسترد کردی جائے گی۔
For the full rundown of our verification policy and details on what makes an account notable and active, and what makes an account ineligible for a blue badge:
https://t.co/49WBHRlhEs— Twitter Verified (@verified) May 20, 2021
