کراچی: آئندہ مالی سال 2021-22 کا بجٹ بھی کورونا سے متاثر ہونے کا امکان ہے۔
اے آر وائی نیوز کے مطابق مالی 2021-22 کے بجٹ کے لیے سندھ حکومت کی ترجیحات کا تعین آخری مراحل میں داخل ہوگیا، کورونا کے تناظر میں 25 ارب روپے کے ترقیاتی و غیر ترقیاتی مصارف کا تخمینہ لگایا گیا ہے۔
ذرائع کے مطابق بجٹ میں کاروباری سرگرمیوں کی بحالی کے لیے خطیر رقم، اسکیمز بھی شامل ہوں گی۔
کورونا ویکسینیشن پروگرام، سینٹرز کے قیام پر اخراجات ہوں گے، ڈویژنل انفیکشن ڈیزیز اسپتالوں کا قیام، کورونا ٹیسٹنگ پر رقم خرچ کی جائے گی۔
مزید پڑھیں: وزیر اعظم نے آئندہ بجٹ میں اعلیٰ تعلیم کے لیے مختص رقم بڑھانے کا عندیہ دے دیا
ذرائع کا کہنا ہے کہ بجٹ میں عارضی ہیلتھ کیئر اسٹاف کی بھرتی اور مشینری پر بھی اخراجات ہوں گے، کورونا متاثر افراد کی صحت، وارڈز، سماجی و معاشی بحالی پر بھی 5 ارب سے زائد کا تخمینہ لگایا گیا ہے۔
مالی سال 2021-22 کے بجٹ کے لیے میزانیہ جون کے دوسرے ہفتے میں پیش کیا جائے گا۔
