The news is by your side.

Advertisement

ڈاکوؤں کو دیکھ کر سیکیورٹی گارڈ جھاڑیوں میں چھپ گیا، شہری قیمتی اشیا سے محروم

کراچی میں غیر تربیت یافتہ گارڈ کی تعیناتی شہری کو قیمتی سامان سے محروم کرگئی۔

اے آر وائی نیوز کے مطابق کراچی کے علاقے سچل میں ڈاکو شہری سے لوٹ مار کرنے آئے تو قریب کھڑا سیکیورٹی گارڈ جھاڑیوں میں جاکر چھپ گیا جس کی ویڈیو منظرعام پر آگئی۔

پولیس کا کہنا ہے کہ واقعہ سچل کے علاقے میں قائم سوسائٹی میں پیش آیا، موٹر سائیکل سوار دو ملزمان نے شہری کو روکا اور لوٹ مار کی۔

ویڈیو میں دیکھا جاسکتا ہے کہ گلی کے کونے پر موجود گارڈ سب دیکھتا رہا لیکن کارروائی نہ کی، ملزمان کے جانے کے بعد متاثرہ شہری سیکیورٹی گارڈ کے قریب آیا، ملزمان واپسی پر اسلحہ لہراتے ہوئے آئے تو گارڈ جھاڑیوں کے پیچھے چھپ گیا۔

ادھر کراچی کے علاقے گلشن معمار میں پولیس نے کارروائی کرتے ہوئے بینک سے نکلنے والوں کا تعاقب کرنے والے دو رکنی گروہ کو گرفتار کرلیا۔

پولیس کے مطابق گروپ مزاحمت کرنے والے شہریوں کو فائرنگ کرکے زخمی کرتا تھا، گروپ نے لیاقت آباد، عائشہ منزل، ملیر میں واردات کیں۔

No description available.

پولیس کا کہنا ہے کہ گروہ کا ساتھی بینک کے اندر رہ کر زیادہ پیسے نکلوانے والوں کی اطلاع دیتا تھا، گروہ کے کئی ساتھی پہلے ہی پولیس کے ہاتھوں گرفتار ہوچکے ہیں۔

Comments

یہ بھی پڑھیں