The news is by your side.

Advertisement

فائزر نے ویکسین کے پاکستان میں استعمال کی اجازت مانگ لی

اسلام آباد: فائزر نے کورونا ویکسین کے پاکستان میں استعمال کی اجازت مانگ لی۔

اے آر وائی نیوز کے مطابق امریکی کورونا ویکسین فائزر نے ویکسین کے ہنگامی استعمال سرٹیفکیٹ کے لیے ڈریپ سے ‏رجوع کرلیا، فائزر نے ڈریپ کو ہنگامی استعمال سرٹیفکیٹ کے لیے دستاویزات جمع کروادیں۔

ذرائع کا کہنا ہے کہ فائزر کو ویکسین کے ہنگامی استعمال کا اجازت نامہ آئندہ ہفتے جاری ہوگا، ڈریپ ایکسپرٹ کمیٹی نے ‏فائزر کی ویکسین سے متعلق دستاویز کو کلیئر کردیا۔

ذرائع کے مطابق ڈرگ ریگولیٹری اتھارٹی کے رجسٹریشن بورڈ کا اجلاس یکم جون کو طلب کیا گیا ہے، اجازت نامہ ملنے پر ‏فائزر کورونا ویکسین پاکستان میں استعمال ہوسکے گی۔

فائزر نے نجی سیکٹر میں کورونا ویکسین کے استعمال کے لیے اجازت طلب کی ہے، کمپنی کورونا ویکسین درآمد کرکے ‏پاکستان میں فروخت کرے گی۔

ذرائع کا کہنا ہے کہ کوویکس سے ملنے والی کورونا ویکسین ڈریپ اجازت نامہ سے مستثنیٰ ہیں، حکومت کی درآمد کردہ ‏ویکسین کو ڈریپ کی اجازت کی ضرورت نہیں ہے۔

یاد رہے کہ گزشتہ روز فائزر کورونا ویکسین کی ایک لاکھ ڈوز پاکستان پہنچی تھیں۔

Comments

یہ بھی پڑھیں