The news is by your side.

Advertisement

کراچی: لاپتا بزرگ خاتون کو پراسرار طور پر دفن کیے جانے کا انکشاف

کراچی: شہر قائد کے علاقے ملیر کھوکھراپار میں لاپتا بزرگ خاتون کو پراسرار طور پر دفن کیے جانے کا انکشاف ہوا ہے۔

اے آر وائی نیوز کے مطابق کراچی کے علاقے ملیر کھوکھراپار میں خاتون کے مبینہ قتل کے شبے میں درگاہ کے مجاور کو گرفتار کرلیا گیا۔

پولیس کے مطابق شوہر نے اہلیہ کی گمشدگی پر کھوکھراپار تھانے میں مقدمہ درج کروایا تھا، خاتون کے فون ریکارڈ کی مدد سے درگاہ کے مجاور تک پہنچے۔

پولیس حکام کا کہنا ہے کہ خاتون یکم مئی کو آخری مرتبہ سعود آباد میں درگاہ پر گئی تھیں، گرفتار مجاور نے خاتون کو سعود آباد قبرستان میں دفن کرنے کا اعتراف کرلیا۔

زیر حراست ملزم نے پولیس کو دئیے گئے بیان میں بتایا کہ خاتون دو سال سے درگاہ پر آتی تھیں، یکم مئی کو خاتون درگاہ آئیں تو شدید بیمار تھیں، خاتون کی موت واقع ہوجانے پر قبرستان میں تدفین کردی۔

پولیس کا کہنا ہے کہ ملزم کی نشاندہی پر خاتون کی قبر مل گئی ہے جلد قبر کشائی کی جائے گی۔

پولیس کے مطابق قبرکشائی کے بعد میڈیکل بورڈ خاتون کی موت کی وجہ سے متعلق رپورٹ دے گا جس کے بعد کارروائی مزید آگے بڑھائی جائے گی۔

Comments

یہ بھی پڑھیں