The news is by your side.

Advertisement

سوشل میڈیا صارفین نے قلفی بیچنے والے کو ’ڈونلڈ ٹرمپ‘ سے تشبیہ دے دی

کراچی: پاکستانی سوشل میڈیا صارفین نے قلفی بیچنے والے شخص کو امریکا کے سابق صدر ڈونلڈ ٹرمپ سے تشبیہ دے دی۔

گلوکار شہزاد رائے کی جانب سے گزشتہ روز انسٹاگرام پر ایک قلفی بیچنے والے معمر شخص کی ویڈیو شیئر کی گئی جو دیکھتے ہی دیکھتے وائرل ہوگئی۔

مختصر سی ویڈیو میں معمر شخص کو خوبصورت آواز میں اپنی کھوئے والی قلفی کی تعریفیں کرتے ہوئے دیکھا جاسکتا ہے۔

ویڈیو میں قلفی والا گانے کی طرح گنگنا کر قلفی بیچنے کی کوشش کررہا ہے اور قلفی والے کی اسی کوشش اور آواز کے شہزاد رائے مداح ہوگئے۔

 

View this post on Instagram

 

A post shared by Shehzad Roy (@officialshehzadroy)

شہزاد رائے نے ویڈیو شیئر کرتے ہوئے لکھا کہ ’واہ قلفی والے بھائی کیا بات ہے، کھائے بغیر مزہ آگیا۔

گلوکار کی شیئر کی گئی ویڈیو سوشل میڈیا پر وائرل ہوگئی جسے مداحوں کی بڑی تعداد ناصرف دیکھ رہی ہے بلکہ سوشل میڈیا پر اس کے دلچسپ تبصرے بھی کیے جارہے ہیں۔

ایک صارف نے ویڈیو میں موجود شخص کو ڈونلڈ ٹرمپ قرار دیتے ہوئے لکھا کہ ’ڈونلڈ ٹرمپ ریٹائرمنٹ کے بعد قلفی بیچتے ہوئے۔‘

ایک اور صارف نے لکھا کہ ’ڈونلڈ ٹرمپ پاکستان آگئے، ایک صارف نے لکھا کہ ویڈیو میں موجود شخص ٹرمپ سے بے پناہ مماثلت رکھتا ہے۔

Comments

یہ بھی پڑھیں