ابوظبی: فاسٹ بولر حسن علی نے پی ایس ایل کا بائیو سیکیور ببل چھوڑ کر وطن واپسی کا فیصلہ کرلیا۔
اے آر وائی نیوز کے مطابق ذرائع کا کہنا ہے کہ پی ایس ایل میں اسلام آباد یونائیٹڈ کے فاسٹ بولر حسن علی نے بائیو ببل چھوڑ کر وطن واپسی کا فیصلہ کیا ہے۔
ذرائع کا کہنا ہے کہ حسن علی فیملی مسائل کے باعث جلد پاکستان واپس پہنچ جائیں گے۔
ذرائع کا یہ بھی بتانا ہے کہ حسن علی پی ایس ایل 6 کے باقی میچز میں اسلام آباد یونائیٹڈ کو دستیاب نہیں ہوں گے۔
🚨 Update 🚨@RealHa55an will be returning to Pakistan due to family commitments. He will miss the remainder of the PSL 6.@IsbUnited completely support his decision to prioritize his family in these times. We wish him the best of luck.
Details here: https://t.co/Pkd6RuUQ40 pic.twitter.com/CQ9TbhiAYw
— Islamabad United (@IsbUnited) June 12, 2021
اس حوالے سے حسن علی کا کہنا تھاکہ اہم وجوہات کی بنا پر میں پاکستان سپر لیگ کے بقیہ میچز سے دستبردار ہورہا ہوں۔
انہوں نے کہا کہ کچھ چیزیں کرکٹ سے بڑھ کر اور فیملی سب سے بڑھ کر ہوتی ہے۔
اس حوالے سے اسلام آباد یونائیٹڈ کے کپتان شاداب خان کا کہنا تھاکہ حسن علی کی پوزیشن سمجھ سکتے ہیں، فیملی سب سے پہلے ہوتی ہے۔
واضح رہے کہ حسن علی نے گزشتہ میچ میں گلیڈی ایٹرز کے خلاف عمدہ بولنگ کا مظاہرہ کرتے ہوئے دو وکٹیں حاصل کی تھیں۔
یاد رہے کہ فاسٹ بولر حسن علی کے ہاں گزشتہ دنوں بیٹی کی پیدائش ہوئی تھی اس دوران وہ ٹیم کے ہمراہ جنوبی افریقہ میں موجود تھے۔