The news is by your side.

Advertisement

فٹبالر کرسچن ایرکسن روبہ صحت، تصویر سامنے آگئی

ڈنمارک کے فٹبالر کرسچن ایرکسن کی حالت اب خطرے سے باہر ہے اور وہ صحت یابی کی جانب گامزن ہیں۔

غیرملکی خبررساں ادارے کی رپورٹ کے مطابق کرسچن ایرکسن نے سوشل میڈیا پر اپنی تصویر شیئر کی جس میں دیکھا جاسکتا ہے کہ وہ اسپتال میں موجود ہیں۔

فٹبالر کرسچن ایرکسن نے تصویر شیئر کرتے ہوئے کیپشن میں بتایا کہ ’صحت اب بہتر ہے۔‘

انہوں نے بتایا کہ اس وقت اسپتال میں ہوں اور ڈاکٹرز نے مجھے مزید ٹیسٹ کرانے کی ہدایت کی ہے، انٹر ملان کے مڈ فیلڈر فٹبالر نے نیک تمناؤں اور دعاؤں پر مداحوں کا شکریہ ادا کیا۔

واضح رہے کہ یورو کپ کے ایک میچ کے دوران 29 سالہ فٹبالر کرسنچن ایرکسن گر گئے تھے جس کے بعد میچ کو معطل کردیا گیا اور انہیں اسپتال منتقل کیا گیا تھا۔

کرسچن ایرکسن کو دل کا دورہ پڑنے کی خبر سماجی رابطے کی ویب سائٹ ٹویٹر پر وائرل ہوئی تو مداحوں کی جانب سے نیک تمناؤں کے ساتھ ساتھ جذباتی پیغامات دیکھنے کو ملے، ایک صارف نے لکھا کہ یہ واقعی بہت افسوسناک ہے، لیکن کل ان تصاویر کو دیکھنے کے بعد مجھے خوشی ہے کہ وہ اب بھی ہمارے ساتھ ہیں۔

ایک اور ٹویٹر صارف کا کہنا تھا کہ ان کی صحت اس وقت زیادہ اہم ہے، ان کے کیریئر کے بارے میں فیصلے کا انتظار کیا جا سکتا ہے، مجھے یقین ہے کہ کوئی فیصلہ کرنے سے پہلے ان کی صحت کا مکمل جائزہ لیا جائے گا۔

Comments

یہ بھی پڑھیں