The news is by your side.

Advertisement

جوہر ٹاؤن دھماکا، مشکوک گاڑی کی تفصیلات سامنے آگئیں

لاہور کے علاقے جوہر ٹاؤن دھماکے میں استعمال ہونے والی مشکوک گاڑی کی تفصیلات سامنے آگئیں۔

اے آر وائی نیوز کے مطابق جوہر ٹاؤن میں دھماکے میں استعمال ہونے والی مشکوک گاڑی کے مالک کا تحقیقاتی اداروں نے پتا لگالیا۔

ذرائع کا کہنا ہے کہ دھماے میں استعمال گاڑی چوری کی ہے، گاڑی اوپن لیٹر پر چلائی جارہی تھی، کالے رنگ کی گاڑی 2010 ماڈل ٹیوٹا کرولا ہے۔

ایکسائز ذرائع کے مطابق گاڑی حافظ آباد کے رہائشی نے دو سال پہلے فروخت کی تھی، گاڑی گوجرانوالہ میں ایک شخص نے اپنے لیٹر پر فروخت کی تھی، تحقیقاتی اداروں نے گاڑی کے انجن کا کچھ حصہ قبضے میں لے لیا۔

ذرائع کا کہنا ہے کہ بارود سے بھری گاڑی ناکوں سے ہوکر جائے وقوعہ پر پہنچی، گاڑی کے اصل مالک کا تعلق حافظ آباد سے ہے، گاڑی کے اصل مالک کو حراست میں لے لیا گیا۔

مزید پڑھیں: جوہر ٹاؤن دھماکے سے قبل آنیوالی مشکوک گاڑی کی فوٹیج سامنے آگئی

واضح رہے کہ جوہر ٹاؤن میں دھماکے کے نتیجے میں 3 افراد جاں بحق اور 24 افراد زخمی ہوگئے تھے، زخمیوں میں خواتین سمیت دو بچے بھی شامل ہیں۔

وفاقی وزیرداخلہ شیخ رشید احمد نے بھی جوہرٹاؤن لاہور دھماکے کا نوٹس لیتے ہوئے چیف سیکرٹری اور آئی جی پنجاب سے رپورٹ طلب کرلی تھی۔
وزیر داخلہ نے دھماکے سے زخمی ہونے والوں کی جلد صحتیابی کے لئےدعا کرتے ہوئے کہا تھا کہ دھماکے کی نوعیت کاپتہ لگایاجارہاہے، وفاقی ادارےتحقیقات میں پنجاب حکومت کی معاونت کررہے ہیں۔

Comments

یہ بھی پڑھیں