The news is by your side.

Advertisement

پیپلزپارٹی کا کلبھوشن سے متعلق بل کی مخالفت کا اعلان

اسلام آباد: پیپلزپارٹی نے بھارتی جاسوس کلبھوشن یادیو سے متعلق بل کی مخالفت کا اعلان کردیا۔

اے آر وائی نیوز کے مطابق پیپلزپارٹی کے چیئرمین بلاول بھٹو زرداری نے پارلیمنٹ ہاؤس میں میڈیا سے گفتگو کرتے ہوئے کہا کہ ایک شخص کے لیے چور دروازے سے اندھیرے میں آرڈیننس تیار کیا گیا، اس شخص نے اس آرڈیننس کا فائدہ ہی نہیں لیا اب حکومت وہ بل پارلیمان میں لارہی ہے۔

بلاول بھٹو نے کہا کہ پیپلزپارٹی اس بل کی مخالفت میں ووٹ دے گی، کلبھوشن سے متعلق بل پر حکومت نے اعتماد میں نہیں لیا، اسے این آر او دینا ہے تو عمران خان خود دیں۔

انہوں نے کہا کہ افغانستان کے مسئلے پر ہم نے بہت سبق سیکھیں ہیں، افغانستان سے متعلق آج کے فیصلوں کے تیس برس تک نتائج بھگتیں گے، کیا ڈیل ہوئی ہے پارلیمان کو آگاہ کیا جائے۔

چیئرمین پیپلزپارٹی نے کہا کہ ایئربیس سے متعلق فیصلہ وفاقی حکومت کا ہے، بیسز سے متعلق فیصلے پاکستان کی عوام اور ملک کے مفاد میں لیں گے۔

انہوں نے کہا کہ بیسز سے متعلق عمران خان کے بیان پر یقین نہیں رکھتے، تشویش ہے کہ وہ اس معاملے پر یوٹرن نہ لے لیں۔

Comments

یہ بھی پڑھیں