The news is by your side.

Advertisement

فضا میں‌ اڑتے ہوئے ہزاروں‌ پالتو کبوتر پُراسرار طور پر لاپتہ

لندن: برطانیہ میں اڑنے کی ریس میں حصہ لینے والے دس ہزار کبوتر پُراسرار طور پر لاپتہ ہوگئے۔

بین الاقوامی میڈیا رپورٹ کے مطابق برطانیہ کے شہر پیٹربورو میں کبوتر پالنے کا بہت زیادہ رجحان پایا جاتا ہے، شہری انہیں اڑانے کا مقابلہ بھی کرتے ہیں۔

ہفتے کے روز ہونے والی 270 کلومیٹر کی ریس میں ہزاروں کبوتر شامل ہوئے، جن میں سے دس ہزار سے زائد بلندی پر پہنچنے کے بعد پُراسرار طور پر لاپتہ ہوگئے۔

عام طور پر اڑنے والے کبوتر چند گھنٹوں کے بعد واپس آجاتے ہیں مگر ہفتے کی صبح اڑائے جانے والے کبوتر ابھی تک واپس نہیں آئے، جس پر شہری پریشان ہیں۔

کبوتر اڑانا دراصل ایک کھیل ہے، جس میں حصہ لینے کے ماہرین کبوتروں کی تربیت کرتے ہیں تاکہ وہ گھر پہچان کر واپس پہنچ جائیں۔

مقامی شہریوں کا کہنا ہے کہ کبوتر پالنا اُن کا خاندانی کام ہے، جبکہ یہ ریس تاریخ کا حصہ لے جسے ہم زندہ رکھتے ہیں۔

ایک مالک نے کہا کہ ’بادلوں اور طوفان کی وجہ سے کبوتر ابھی تک واپس نہٰں آئے اور یہ بھی ممکن ہے کہ شاید وہ اب کبھی نہ آسکیں‘۔

Comments

یہ بھی پڑھیں