The news is by your side.

Advertisement

کراچی: گھر سے خاتون کی گلا کٹی لاش برآمد

کراچی: شہر قائد کے علاقے عزیز آباد میں گھر سے خاتون کی گلا کٹی لاش برآمد ہوئی ہے۔

اے آر وائی نیوز کے مطابق کراچی کے علاقے عزیز آباد میں گھر سے خاتون کی گلا کٹی لاش برآمد ہوئی، خاتون کی شناخت 45 سالہ نجمہ زوجہ حنیف کے نام سے ہوئی۔

پولیس کے مطابق خاتون کی لاش گھر میں بستر سے ملی، لاش کے قریب سے کاغذ کٹر بھی ملا ہے۔

پولیس کا کہنا ہے کہ خاتون کے بھائی اور سسرال والوں کا کہنا ہے کہ کوئی لڑائی جھگڑا نہیں ہوا تھا، بھائی نے پولیس کو دئیے گئے بیان میں بتایا کہ کل بہن سے مل کر گیا تھا تو کوئی شکایت نہیں کی تھی۔

شوہر نے پولیس کو بتایا کہ مجھے بھی کوئی شکایت نہیں تھی نہ ہی کوئی لڑائی ہوئی تھی۔

پولیس کا کہنا ہے کہ خاتون کی لاش کو ضابطے کی کارروائی کے لیے اسپتال منتقل کردیا گیا ہے، واقعے کی مختلف پہلوؤں تحقیقات جاری ہیں۔

واضح رہے کہ گزشتہ ماہ کراچی کے علاقے سلطان آباد میں رہائشی فلیٹ سے ایک شخص کی گلا کٹی لاش برآمد ہوئی تھی جس کی شناخت ملک مختار کے نام سے ہوئی تھی۔

پولیس کا کہنا تھا کہ مقتول فلیٹ کے ایک کمرے میں اکیلا رہتا تھا جبکہ دوسرے کمرے میں اس کا دوست رہائش پذیر تھا۔

Comments

یہ بھی پڑھیں