تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اسلام آباد میں ایک اور خاتون پر تشدد کی ویڈیو سامنے آگئی

اسلام آباد: وفاقی دارالحکومت میں ایک اور خاتون پر مبینہ تشدد کی ویڈیو منظرعام پر آگئی۔

اے آر وائی نیوز کے مطابق اسلام آباد میں لڑکے اور لڑکی پر تشدد کے واقعے کے بعد ایک اور خاتون پر مبینہ تشدد کی ویڈیو وائرل ہوگئی۔

سوشل میڈیا پر وائرل ویڈیو میں مبینہ طور پر خاتون کو تشدد کا نشانہ بنایا جارہا ہے اورخاتون روتی ہوئی ہاتھ جوڑ کر معافی مانگ رہی ہیں۔

ترجمان راولپنڈی پولیس کا کہنا ہے کہ واقعہ اسلام آباد میں رونما ہوا ہے۔

سی پی او راولپنڈی نے واقعے کی تحقیقات کے لیے احکامات جاری کردیے، سی پی او کا کہنا ہے کہ ذمہ دار جلد قانون کی گرفت میں ہوں گے۔

واضح رہے کہ دو روز قبل سوشل میڈیا پر لڑکی اور لڑکے پر تشدد کی ویڈیو وائرل ہونے کے بعد اسلام آباد پولیس نے کارروائی کرتے ہوئے ملزم عثمان مرزا سمیت 4 افراد کو گرفتار کیا تھا۔

اسلام آباد پولیس نے آج کارروائی کرتے ہوئے پانچویں ملزم بلاول مروت کو بھی گرفتار کرلیا۔

یاد رہے کہ وزیراعظم عمران خان نے آئی جی اسلام آباد کو ہر پہلو سے تشدد کیس کی تفتیش آگے بڑھانے کی ہدایت کی ہے۔

Comments

- Advertisement -