لاہور: کاؤنٹر ٹیرر ازم ڈیپارٹمنٹ (سی ٹی ڈی) نے ملک بھر میں دہشت گردی کے خطرے کے پیش نظر الرٹ جاری کردیا۔
اے آر وائی نیوز کے مطابق سی ٹی ڈی پنجاب کا کہنا ہے کہ پنجاب بھر میں انٹیلیجنس بیسڈ آپریشن کیے جارہے ہیں، گزشتہ سات روز میں مختلف اضلاع میں 23 آپریشن کیے گئے اس دوران 23 مشتبہ افراد سے تفتیش کی گئی۔
[bs-quote quote=”گزشتہ سات روز میں مختلف اضلاع میں 23 آپریشن کیے گئے” style=”default” align=”left” author_name=”سی ٹی ڈی "][/bs-quote]
سی ٹی ڈی حکام کے مطابق آپریشن کے دوران 2 خطرناک دہشت گردوں کو گرفتار کیا گیا۔
سی ٹی ڈی پنجاب کے مطابق دہشت گردوں میں عبدالصمد اور اکرام اللہ خان شامل ہیں، دہشت گرد عبدالصمد کو سیالکوٹ سے گرفتار کیا گیا۔
سی ٹی ڈی حکام کا کہنا ہے کہ دوسرے دہشت گرد اکرام اللہ خان کو ننکانہ صاحب سے گرفتار کیا گیا۔
واضح رہے کہ گزشتہ دنوں جوہر ٹاؤن میں دھماکے کے نتیجے میں 3 افراد جاں بحق اور 24 افراد زخمی ہوگئے تھے، زخمیوں میں خواتین سمیت دو بچے بھی شامل تھے۔
