The news is by your side.

Advertisement

شادی کے روز دلہا زخمی، دلہن شادی کرنے اسپتال پہنچ گئی

گوجرانوالہ: پنجاب کے شہر گوجرانوالہ میں شادی کے روز دلہا کے زخمی ہونے پر دلہن شادی کرنے اسپتال پہنچ گئی۔

اے آر وائی نیوز کے مطابق گوجرانوالہ کے رہائشی رضوان کی ماریہ سے 9 جولائی کو شادی طے تھی، 8 جولائی کی رات دلہے رضوان کی حادثے کے نتیجے میں ٹانگ ٹوٹ گئی تھی۔

دلہن ماریہ عروسی لباس پہن کر نجی اسپتال میں شادی کرنے پہنچی، اسپتال انتظامیہ کی اجازت سے دونوں کا اسپتال میں نکاح کروادیا گیا۔

نکاح کے وقت لڑکی ٹیبل پر جبکہ دلہا بیڈ پر اپنی والدہ کے ساتھ بیٹھا تھا، نکاح کے بعد دلہن نے بیڈ پر زخمی دلہے کے ساتھ شادی کی تصاویر بھی بنوائیں۔

دلہے کا تعلق اٹلی سے ہے پانچ سال قبل گوجرانوالہ کی ماریہ سے اس کی فیس بک پر دوستی ہوئی تھی گھر والوں سے رشتہ مانگا تو وہ شادی کے لیے راضی ہوگئے تھے۔

رضوان اٹلی سے ماریہ سے شادی کرنے کے لیے پاکستان پہنچا تھا اور شادی کے روز حادثے میں زخمی ہوگیا تھا۔

Comments

یہ بھی پڑھیں