The news is by your side.

Advertisement

اسلام آباد میں فائرنگ سے 3 افراد جاں بحق، ملزم فرار

اسلام آباد کے تھانہ شمس کالونی کے علاقے میں ملزم نے فائرنگ کرکے تین افراد کو قتل کردیا۔

اے آر وائی نیوز کی رپورٹ کے مطابق اسلام آباد کے علاقے شمس کالونی میں ملزم نے فائرنگ کرکے بھائی، بھابھی اور بھتیجے کو موت کے گھاٹ اتار دیا۔

پولیس کا کہنا ہے کہ فائرنگ سے ایک شخص زخمی بھی ہوا جسے طبی امداد کے لیے اسپتال منتقل کردیا گیا ہے۔

پولیس کے مطابق فائرنگ کے بعد ملزم فرار ہوگیا جس کی تلاش میں چھاپے مارے جارہے ہیں، پولیس کا کہنا ہے کہ ملزم نے فائرنگ لین دین کے تنازع پر کی۔

مزید پڑھیں: اسلام آباد میں میاں بیوی نے ایک دوسرے پر گولیاں چلادیں

واضح رہے کہ اس سے قبل اسلام آباد کے علاقے غوری گارڈن میں میاں بیوی نے معمولی تکرار پر ایک دوسرے پر فائرنگ کردی تھی جس کے نتیجے میں دونوں زخمی ہوگئے تھے۔

پولیس کا کہنا تھا کہ فائرنگ سے زخمی ہونے والے میاں اور بیوی کو طبی امداد کے لیے اسپتال منتقل کردیا گیا ہے۔

پولیس کا کہنا تھا کہ میاں بیوی کے درمیان 5 سالہ بیٹے کے معاملے پر لڑائی شدت اختیار کرگئی تھی، دونوں کے خلاف الگ الگ مقدمات درج کیے جائیں گے۔

Comments

یہ بھی پڑھیں