ملتان: پنجاب کے ضلع رحیم یار خان کے علاقے ظاہر پیر میں پسند کی شادی کرنے پر لڑکے کے رشتے دار کو تشدد کا نشانہ بنا کر جلا دیا۔
اے آر وائی نیوز کے مطابق رحیم یار خان کے شہر ظاہرپیر میں پسند کی شادی کرنے والے جوڑے کو جرگے نے جرمانہ ادا کرنے کی سزا سنائی، جس کی ادائیگی کے باوجود لڑکے کے رشتے دار کو لڑکی والوں نے انسانیت سوز تشدد کا نشانہ بنایا۔
ظاہر پیر کے علاقے آباد پور میں لڑکے کو مخالفین نےلڑکے اور اُس کے رشتہ دار کو تشددکا نشانہ بنایا، جس کی ویڈیو بھی بنا کر اسے انٹرنیٹ پر شیئر کیا گیا۔
ملزمان نے بجلی کے تار، ڈنڈوں، اینٹوں اور لاتوں سے نوجوان کو بہیمانہ تشدد کا نشانہ بنایا اور پھر پاؤں پر پیٹرول چھڑک کر آگ لگا دی۔
پولیس حکام کے مطابق 8 ماہ پہلے متاثرہ شخص کے رشتہ دار نے پسندکی شادی کی ، فریقین نےجرگہ کرکےجرمانہ لےکر صلح کرلی تھی، لڑکی کے ورثا نے پرانی رنجش پرحملہ کرکےلڑکےکےرشتہ دارپر تشددکیا۔
پولیس نے واقعےکامقدمہ درج کرکے ملزمان کی گرفتاری کیلئے چھاپے مارنا شروع کردیے ہیں۔