تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

پشاور : بدنما ماسک لگا کر شہریوں کو ڈرانے والا شخص گرفتار

پشاور: خیبرپختون خواہ کی پولیس نے خوفناک ماسک پہن کر شہریوں کو خوفزدہ کرنے والے کو حراست میں لے لیا۔

اے آر وائی نیوز کی رپورٹ کے مطابق پشاور کے علاقے تھانہ یکہ توت کی پولیس کو اطلاع ملی کہ ایک موٹرسائیکل پر خوفناک ماسک پہن کر نوجوان گشت کررہا ہے، جس سے راہ گیر خوف زدہ ہورہے تھے۔

خوفناک چہرے والے شخص کے گھومنے کی وجہ سے علاقہ مکین بھی بہت زیادہ خوف کا شکار تھے اور وہ مختلف قیاس آرائیاں کررہے تھے۔

پولیس نے متواتر شکایات ملنے کے بعد موٹرسائیکل سوار کو تلاش کر کے گرفتار کیا۔ ایس پی سٹی پولیس نے بتایا کہ نوجوان بدنما ماسک پہن کر شہریوں میں خوف و ہراس پھیلا رہا تھا، گزشتہ ایک دو روز سے اس حوالے سے شکایات بھی موصول ہوئیں۔

پولیس نے نوجوان کو گرفتار کر کے تھوڑی دیر حوالات میں رکھا اور یقین دہانی پر اسے رہا کردیا۔ نوجوان نے تھانے میں اپنی غلطی کا اعتراف کرتے ہوئے شہریوں سے معافی مانگی اور آئندہ ایسی حرکت نہ کرنے کی یقین دہانی بھی کرائی۔

واضح رہے کہ اس سے قبل پشاور میں ہی پولیس نے سال نو کی پہلی رات پر خوفناک ماسک پہن کر شہریوں کو خوفزدہ کرنے والے نوجوان کو گرفتار کیا تھا۔

مزید پڑھیں: پشاور: نیو ایئر نائٹ پر خوفناک ماسک پہن کر شہریوں کو ڈرانے والا شخص گرفتار

مذکورہ نوجوان لومڑی کی شکل والا خوفناک ماسک لگا کر لوگوں کو خوف زدہ کررہا تھا۔

Comments

- Advertisement -