The news is by your side.

Advertisement

پاکستانیوں کی اکثریت چیف جسٹس کی کارکردگی سے مطمئن، سروے رپورٹ جاری

لاہور: گیلپ کی جانب سے چیف جسٹس آف پاکستان جسٹس میاں ثاقب نثار کی کارکردگی سے متعلق سروے کروایا گیا جس میں پاکستانی منصفِ اعلیٰ کی کارکردگی معترف نکلے۔

تفصیلات کے مطابق گیلپ اور گیلانی کی جانب سے چیف جسٹس کی کارکردگی کے حوالے سے عوامی سروے (رائے عامہ) کا اہتمام کیا گیا جس میں کثیر تعداد نے حصہ لیا۔

سروے میں حصہ لینے والے افراد میں سے 57 فیصد پاکستانیوں نے چیف جسٹس آف پاکستان کی گزشتہ ایک برس کی مجموعی کارکردگی کو سراہتے ہوئے ان کی ملک کے لیے کاوشوں کو سراہا۔

مزید پڑھیں: قیام پاکستان کے  پیچھے جدوجہد اورعشق کارفرما ہے: چیف جسٹس

گیلپ کی جانب سے جاری سروے رپورٹ کے مطابق 32 فیصد سے زائد پاکستانیوں نے چیف جسٹس کی کارکردگی کو بہترین جبکہ 25 فیصد نے اچھا قرار دیا جبکہ 11 فیصد عوام اس سے مطمئن نظر آئے۔

دوسری جانب رائے عامہ کا حصہ بننے والے 14 فیصد پاکستانیوں نے ایک برس کی کارکردگی متاثر کُن قرار نہیں دیا جبکہ 13 فیصد ایسے بھی لوگ سامنے آئے جن کی نظر میں جسٹس میاں ثاقب نثار کی کارکردگی خاطر خواہ نہیں رہے۔

یہ بھی پڑھیں: ماحول کو آلودگی سے بچانے کیلئے زیادہ سے زیادہ درخت لگائیں، چیف جسٹس

سروے میں حصہ لینے والے پانچ فیصد عوام ایسے بھی تھے جنہوں نے کوئی جواب نہیں دیا۔

یاد رہے کہ چیف جسٹس آف پاکستان کی مدتِ ملازمت آئندہ برس ختم ہونے جارہی ہے، منصفِ اعلیٰ کا عہدہ سنبھالنے کے بعد چیف جسٹس آف پاکستان نے بے باک فیصلے کیے جن کو عوامی سطح پر پذیرائی ملی۔

جسٹس میاں ثاقب نثار نے عوامی مسائل کا بھی نوٹس لیا، موبائل کمپنیوں کی جانب سے ٹیکس کی کٹوتی ہو یا پھر نجی اسکولوں، کالجز یا اسپتالوں کی فیس چیف جسٹس نے سب کا فیصلہ سنایا۔

Comments

comments

یہ بھی پڑھیں