The news is by your side.

Advertisement

پی سی بی کا نیا چیئرمین کون ہوگا؟

لاہور: پاکستان کرکٹ بورڈ (پی سی بی) کے چیئرمین احسان مانی کی تین سالہ مدت بدھ 24 اگست کو ختم ہوجائے گی، وزیراعظم بورڈ آف گورنر میں چیئرمین پی سی بی کے لیے اپنے دو امیدواروں کو نامزد کریں گے۔

اے آر وائی نیوز کے مطابق ذرائع کا کہنا ہے کہ وزیراعظم عمران خان پی سی بی کے نئے چیئرمین یا احسان مانی کی مدت میں توسیع کا فیصلہ پیر کو کریں گے۔

ذرائع کا کہنا ہے کہ وزیراعظم بورڈ آف گورنرز میں اپنے دو نمائندوں کو نامزد کریں گے، 10 اراکین ووٹنگ کے ذریعے نئے چیئرمین کا انتخاب کریں گے۔

ذرائع کے مطابق وزیراعظم جسٹس (ر) عظمت شیخ کو الیکشن کمشنر نامزد کرچکے ہیں، وزیراعظم نے دو نمائندوں کے لیے سابق کپتان رمیز راجہ اور جواد ساجد کے نام زیر غور ہیں۔

ذرائع کے مطابق وزیراعظم کسی کرکٹر کو چیئرمین پی سی بی بنانے کے خواہش مند ہیں اور وزیراعظم کے پرانے ساتھی رمیز راجہ پی سی بی کی چیئرمین شپ کے لیے مضبوط امیدوار ہیں۔

ذرائع کا کہنا ہے کہ وزیراعظم رمیز راجہ کو چیئرمین پی سی بی بنانے کے حوالے سے ایک دو روز میں فیصلہ کریں گے۔

نمائندہ اے آر وائی نیوز کے مطابق پاکستان سپر لیگ (پی ایس ایل) فرنچائز احسان مانی کو برقرار رکھنے کے حق میں ہیں۔

واضح رہے کہ وزیراعظم عمران خان نے 20 اگست 2018 کو نجم سیٹھی کی جگہ احسان مانی کو چیئرمین پی سی بی نامزد کیا تھا۔

Comments

یہ بھی پڑھیں