اسلام آباد: وزیراعظم عمران خان سے چیئرمین پی سی بی احسان مانی اور رمیز راجہ نے ملاقات کی۔
اے آر وائی نیوز کے مطابق وزیراعظم اور پاکستان کرکٹ بورڈ کے پیٹرن ان چیف عمران خان نے چیئرمین پی سی بی احسان مانی کی پیٹھ تھپتھپادی۔
ذرائع کا کہنا ہے کہ ملاقات میں وزیراعظم نے بورڈ کی کارکردگی پر اطمینان کا اظہار کرتے ہوئے احسان مانی سے کام جاری رکھنے پر اصرار کیا۔
ذرائع کے مطابق احسان مانی نے وزیراعظم عمران خان سے بات چیت میں کہا کہ وہ تین سال تک کام جاری نہیں رکھ سکتے۔
چیئرمین پی سی بی احسان مانی نے ڈومیسٹک کرکٹ سے متعلق رپورٹ بھی عمران خان کو پیش کی۔
ادھر سابق کپتان رمیز راجہ نے بھی وزیراعظم سے ملاقات کی جس میں انہوں نے کرکٹ سے متعلق تجاویز دیں۔
ذرائع کا بتانا ہے کہ رمیز راجہ کو کرکٹ بورڈ میں اہم عہدہ ملنے کا امکان ہے۔
واضح رہے کہ پاکستان کرکٹ بورڈ (پی سی بی) کے چیئرمین احسان مانی کی تین سالہ مدت بدھ 24 اگست کو ختم ہورہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں