پیغام رسانی کے لیے استعمال ہونے والی واٹس ایپ کی متبادل موبائل ایپلیکیشن ٹیلی گرام نے صارفین کے لیے شاندار فیچر متعارف کرادیا۔
موبائل ایپلیکیشن ٹیلی گرام کی جانب سے سماجی رابطے کی ویب سائٹ ٹویٹر پر نئے فیچر کے حوالے سے ایک ویڈیو شیئر کی گئی اور بتایا گیا کہ اس سہولت کو اینڈرائیڈ اور آئی او ایس صارفین استعمال کرسکتے ہیں۔
ٹیلی گرام کے مطابق صارف اب چیٹ کے دوران کی بورڈ کے استعمال سے اپنے دوستوں کو تحریری پیغام، ایموجیز، وائس میسجز آسانی کے ساتھ بھیج سکتا ہے۔ ویڈیو میں صارفین کو چیٹ میں اینیمیشن بھیجنے کا طریقہ بھی بتایا گیا ہے۔
کمپنی کا کہنا ہے کہ صارف اس ویڈیو کو دیکھ کر نہ صرف محظوظ ہوگا بلکہ وہ اپنے دوستوں کے ساتھ نئے انداز سے بات چیت بھی کرسکے گا۔
یاد رہے کہ گزشتہ برس ٹیلی گرام کے صارفین کی تعداد میں اُس وقت بڑی تعداد میں اضافہ ہوا، جب واٹس ایپ نے متنازع پرائیویسی پالیسی متعارف کرائی تھی۔
On both the Android and iOS apps, you can watch as text, stickers, emoji and voice messages fly from your keyboard to the chat with smooth, energy-efficient animations. #TelegramTips pic.twitter.com/rhIhOBEac9
— Telegram Messenger (@telegram) August 25, 2021
واٹس ایپ کی پرائیویسی پالیسی پر تحفظات کی وجہ سے صارفین نے ٹیلی گرام، سگنل اور ترک ماہرین کی تیار کردہ ایپ بپ کو اہمیت دی اور پھر اُسی کا استعمال شروع کردیا۔