The news is by your side.

Advertisement

وزیراعظم کے معاون خصوصی کی طبیعت ناساز، اسپتال میں‌ داخل

کراچی: وزیراعظم کے معاونِ خصوصی برائے سندھ ارباب غلام رحیم کو دل میں تکلیف کے باعث اسپتال میں داخل کردیا گیا۔

اے آر وائی نیوز کے مطابق وزیراعظم کے معاونِ خصوصی اور سابق وزیرِاعلٰی سندھ ڈاکٹر ارباب غلام رحیم کو دل میں تکلیف کے باعث اسپتال میں داخل کرایا گیا ہے۔

ذرائع کے مطابق اُن کو دل کے عارضے میں مبتلا ہونے کے سبب اہل خانہ اسپتال لے کر پہنچے۔ ڈاکٹرز نے صحت کو اطمینان بخش قرار دیتے ہوئے چند روز نگرانی میں‌ رکھنے اور آرام کرنے کا مشورہ دیا ہے۔

آج اپوزیشن لیڈر حلیم عادل شیخ نے اسپتال جاکر ڈاکٹر ارباب رحیم کی عیادت کی اور اُن کی خیریت بھی دریافت کی۔

یاد رہے کہ وزیراعظم عمران خان نے سابق وزیراعلیٰ سندھ ڈاکٹر ارباب غلام رحیم کو جولائی میں اپنا معاونِ خصوصی برائے سندھ مقرر کیا تھا۔ کابینہ ڈویژن نے ارباب غلام رحیم کی تعیناتی کا نوٹیفکیشن جاری کیا گیا ، جس میں بتایا گیا تھا کہ  ارباب غلام رحیم معاون خصوصی برائے سندھ افیئرز ہوں گے، اُن کی تعیناتی اعزازی بنیاد پر ہوگی۔

Comments

یہ بھی پڑھیں