واشنگٹن: امریکا میں کرایہ دار مکان خالی کرنے کے دوران غیرقانونی جانور چھوڑ گیا۔
غیرملکی خبررساں ادارے کی رپورٹ کے مطابق امریکی ریاست مینے میں کرایہ دار مکان خالی کرنے کے دوران غیرقانونی جانور 19 مکڑیاں اور ایک اژدھا بھی چھوڑ کر چلا گیا۔
گزشتہ دنوں مالک مکان نے جانوروں کو ریسکیو کرنے والے ادارے سے رابطہ کیا، مالک مکان نے بتایا کہ اس کے کرایہ دار نے آج ہی مالک مکان خالی کیا اور جاتے ہوئے گھر میں ایک اژدھا اور 19 مکڑیاں بھی چھوڑ گیا۔
ریسکیو اداروں کے مطابق عملے کے مکان میں پہنچنے کے بعد معلوم ہوا کہ 19 مکڑیاں مر چکی ہیں جبکہ اژدھے کے پاس پینے کے لیے پانی بھی موجود نہیں ہے۔
ریسکیو عملے کے مطابق تمام جانور غیر قانونی طریقے سے گھر میں رکھے گئے تھے جن میں سے زندہ بچ جانے والے جانوروں کو بہبود و بحالی سینٹر منتقل کردیا گیا۔
کرایہ دار کی تلاش کی جارہی ہے یا نہیں اس سے متعلق مقامی پولیس اور ریسکیو ذرائع کی جانب سے کوئی تاحال معلومات فراہم نہیں کی گئی ہیں۔
