تازہ ترین

کراچی میں معمولی جھگڑے پر نوجوان ’اے کے 47‘ لے آیا

کراچی: شہر قائد کے علاقے شاہ فیصل کالونی میں معمولی جھگڑے پر نوجوان اے کے 47 لے کر آگیا۔

اے آر وائی نیوز کے مطابق کراچی کے علاقے شاہ فیصل کالونی میں معمولی جھگڑے کے دوران ایک شخص اے کے 47 لے کر آگیا اور لوگوں کو دھمکانا شروع کردیا اس دوران ارد گرد موجود لوگ بیچ بچاؤ کرواتے رہے۔

پولیس کے مطابق روڈ پر ٹرک اور گاڑی کی ٹکر ہوئی اس دوران ٹرک میں سوار افراد کی جانب سے اسلحہ نکال لیا گیا۔

ویڈیو میں دیکھا جاسکتا ہے کہ ٹرک میں سوار افراد سادہ لباس میں تھے اور جھگڑے کے دوران اے کے 47 نکال کر شہری کو دھمکاتے رہے۔

ذرائع کا کہنا ہے کہ جھگڑے کے دوران جب لوگوں کا ہجوم اکٹھا ہوا تو ٹرک میں سوار مسلح شخص فرار ہوگئے۔

ذرائع کا کہنا ہے کہ ویڈیو سامنے آنے کے بعد پولیس نے خاموشی اختیار کی ہوئی ہے واقعے کا کوئی مقدمہ درج نہیں کیا گیا اور نہ ہی کوئی گرفتاری عمل میں آئی ہے۔

Comments

- Advertisement -