The news is by your side.

Advertisement

پی سی بی چیئرمین کے انتخاب کا طریقہ کار سامنے آگیا

کراچی: پاکستان کرکٹ بورڈ (پی سی بی) کے چیئرمین کے انتخاب کا طریقہ کار سامنے آگیا۔

اے آر وائی نیوز کے مطابق پی سی بی کے نئے چیئرمین کے انتخاب کے لیے گورننگ بورڈ کا اجلاس 13 ستمبر کو ہوگا، بورڈ کے الیکشن کمیشن جسٹس (ر) شیخ عظمت سعید گورننگ بورڈ اجلاس کی صدارت کریں گے۔

اجلاس کے آغاز میں الیکشن کمیشن چیئرمین پی سی بی کے عہدے کا انتخاب لڑنے کے امیدواروں کو کاغذات نامزدگی جمع کرانے کے لیے کہیں گے۔

ذرائع کے مطابق ایک سے زیادہ امیدوار کے کاغذات نامزدگی جمع ہونے پر ووٹنگ کروائی جائے گی، سادہ اکثریت حاصل کرنے والا امیدوار چیئرمین پی سی بی منتخب ہوجائے گا۔

پی سی بی گورننگ بورڈ کے چار آزاد اراکین، پیٹرن کے دو نمائندے، تین منتخب صوبائی نمائندے اور چیف ایگزیکٹو شامل ہیں۔

ذرائع کا کہنا ہے کہ 13 ستمبر کو چار آزاد نمائندے، پیٹرن کے دو نمائندے ووٹ کا حق استعمال کریں گے۔

صوبائی ایسوسی ایشن کے انتخابی عمل مکمل نہ ہونے کے باعث کوئی منتخب اجلاس میں شریک نہیں ہوگا، قوی امکان ہے کہ رمیز راجہ بلا مقابلہ چیئرمین پی سی بی منتخب ہوجائیں گے۔

Comments

یہ بھی پڑھیں