کابل: افغانستان کے سابق چیف ایگزیکٹو عبداللہ عبداللہ نے بھارتی میڈیا کا پروپیگنڈا بے نقاب کردیا۔
تفصیلات کے مطابق بھارتی صحافی نے گزشتہ روز سوشل میڈیا پر ایک ٹویٹ میں دعویٰ کیا تھا کہ طالبان نے عبداللہ عبداللہ کو گرفتار کرکے نامعلوم مقام پر منتقل کردیا ہے۔
بھارتی صحافی کے ٹویٹ کے تھوڑی دیر بعد ہی عبداللہ عبداللہ نے طالبان کے ہاتھوں اپنی گرفتاری کو سفید جھوٹ قرار دیا۔
عبداللہ عبداللہ نے اپنی ٹوئٹ میں واضح کیا کہ ان کے حراست میں لیے جانے کی بھارتی میڈیا کی خبر جھوٹی ہے۔ بھارتی صحافی خبر شائع کرنے سے قبل حقائق کو چیک کرلیا کریں۔
A false and baseless report circulated by @IamNaveenKapoor, and then it was delated on Taliban arresting me and transporting me to an unknown location. I reject it as baseless and false. I call on jourinalist to act professionally and check the facts before publishing it. pic.twitter.com/bs7niiZIi2
— Dr. Abdullah Abdullah (@DrabdullahCE) September 10, 2021
عبداللہ عبداللہ نے بھارتی صحافی نوین کپور پر جھوٹی خبر ٹویٹ کرنے پر تنقید کی جس کے بعد بھارتی صحافی کو اپنا ٹویٹ ڈیلیٹ کرنا پڑا۔
یاد رہے کہ گزشتہ دنوں بھی بھارتی ٹی وی چینلز نے وادی پنجشیر میں لڑائی کے وقت ویڈیو گیمز کے کلپ دکھا کر وہاں پاکستانی لڑاکا طیاروں کے استعمال کا جھوٹا دعویٰ کیا تھا۔
