سربین ٹینس اسٹار نواک جوکووچ کا ریکارڈ اکیسواں گرینڈ سلم ٹائٹل جیتنے کا خواب چکنا چُور ہوگیا۔
تفصیلات کے مطابق یو ایس اوپن کے فائنل میں سربین ٹینس اسٹار نواک جوکووچ کو شکست کا سامنا کرنا پڑا، جوکووچ شکست پر جذبات پر قابو نہ رکھتے ہوئے رو دئیے اور غصے میں ریکٹ بھی توڑ ڈالا۔
یو ایس اوپن کے فائنل میں نواک جوکووچ ریکارڈ 21واں گرینڈ سلم ٹائٹل جیتنے میدان میں اترے لیکن انہیں روسی ٹینس اسٹار مڈوی ڈیو نے اسٹریٹ سیٹ میں شکست دی۔
روسی ٹینس اسٹار مڈوی ڈیو نے عالمی نمبر ایک جوکووچ کو 6-4، 6-4 اور 6-4 سے شکست دے کر کیریئر کا پہلا ٹائٹل حاصل کرلیا۔
واضح رہے کہ سربین اسٹار رواں سال آسٹریلین اوپن، فرنچ اوپن اور ومبلڈن جیت چکے تھے پر کلینڈر ایئر میں کلین سویپ کا خواب پورا نہ کرسکے۔
ویڈیو میں دیکھا جاسکتا ہے کہ جوکووچ شکست پر غصے میں اپنا ریکٹ توڑ رہے ہیں۔
Djokovic was noticeably frustrated during the second set at the #USOpen pic.twitter.com/K2vh7mC3Lp
— ESPN (@espn) September 12, 2021
یاد رہے کہ گزشتہ روز ہونے والے یو ایس اوپن ٹینس ٹورنامنٹ کا ویمنز سنگلز فائنل برطانیہ کی 18 سالہ ایما راڈو کانو نے جیتا تھا۔
ویمنز سنگلز کا فائنل پہلی بار 2 نوجوان کھلاڑیوں کے درمیان کھیلا گیا جس میں راڈو کانو نے لیلیٰ فرنینڈیز کو اسٹریٹ سیٹس میں 4-6، 3-6 سے شکست دی تھی۔
