The news is by your side.

Advertisement

سابق رکن اسمبلی کے بیٹے کا ایئرلائن کے عملے پر تشدد

کوئٹہ: بلوچستان کے سابق رکن اسمبلی کے بیٹے نے نجی ایئرلائن کے عملے کو تشدد کا نشانہ بنا ڈالا۔

اے آر وائی نیوز کے مطابق بلوچستان کے سابق ایم این اے ناصر علی کے بیٹے نے نجی ایئرلائن کے عملے پر تشدد کیا جس کی سی سی ٹی وی فوٹیج منظرعام پر آگئی۔

ذرائع کے مطابق سابق رکن قومی اسمبلی ناصر علی کے ہمراہ ان کا بیٹا ایئرلائن کے دفتر آیا، جناح روڈ پر قائم دفتر میں عملے کے ارکان سے تلخ کلامی ہوئی۔

ویڈیو میں دیکھا جاسکتا ہے کہ ناصر علی کا بیٹا تلخ کلامی کے بعد ایئرلائن کے عملے پر مکے اور گھونسے برسا رہا ہے جبکہ بعدازاں سیکیورٹی گارڈ اور دیگر افراد متاثرہ شخص کو بچانے کے لیے بھاگتے ہوئے آئے۔

ذرائع کا کہنا ہے کہ تلخ کلامی کے بعد ناصر علی کے بیٹے عاصم شاہ نے عملے کے 2 ارکان کو تشدد کا نشانہ بنایا۔

سابق رکن اسمبلی کے بیٹے نے تشدد کرنے کے بعد متاثرہ سیلز منیجر اور دیگر عملے کے خلاف مقدمہ بھی درج کروادیا۔

پولیس کا کہنا ہے کہ واقعے کی سی سی ٹی وی فوٹیج کا جائزہ لیا جارہا ہے جو بھی قصوار پایا گیا اس کے خلاف کارروائی عمل میں لائی جائے گی۔

Comments

یہ بھی پڑھیں