جمعرات, فروری 13, 2025
اشتہار

بھارتی ٹیم پاکستان سے نیوٹرل مقام پر کھیلنے پر رضامند

اشتہار

حیرت انگیز

بھارتی بلائنڈ کرکٹ ٹیم پاکستان سے نیوٹرل مقام پر کھیلنے پر رضامندی ظاہر کردی۔

اے آر وائی نیوز کے مطابق بھارتی بلائنڈ کرکٹ ٹیم نے پاکستان سے نیوٹرل مقام پر کھیلنے کی رضامندی ظاہر کردی، چیئرمین پاکستان بلائنڈ کرکٹ کونسل سلطان شاہ کا کہنا ہے کہ کوشش ہے کہ بھارتی ٹیم پاکستان آکر کھیلے، جنوبی افریقہ کی ٹیم بھی جنوری میں پاکستان کا دورہ کرے گی۔

سید سلطان شاہ کا کہنا ہے کہ چیئرمین پی سی بی رمیز راجہ سے بلائںڈ کرکٹرز کے معاوضے میں بھی اضافے کی اپیل کردی ہے۔

انہوں نے کہا کہ رمیز راجہ نے یقین دہانی کروائی ہے کہ بلائنڈ کرکٹرز کے معاوضے میں اضافہ کریں گے۔

یاد رہے کہ کیوی ٹیم پاکستان میں چند روز پریکٹس کرنے کے بعد ون ڈے میچ کے روز سیکیورٹی خدشات کا بہانہ بنا کر وطن واپس لوٹ گئی تھی۔

دو روز قبل انگلش کرکٹ بورڈ نے بھی دورہ پاکستان سے انکار کردیا، انگلش بورڈ کا کہنا تھا کہ کورونا کی وجہ سے کھلاڑی بہت تھک گئے ہیں ان پر مزید دباؤ نہیں ڈالنا چاہتے۔

سابق کرکٹرز اور سوشل میڈیا صارفین کی جانب سے انگلش اور کیوی بورڈ کے فیصلوں پر سخت تنقید کی گئی اور چیئرمین پی سی بی نے بھی کہا تھا کہ ہم اپنی ہوم سیریز نیوٹرل مقام پر نہیں کھیلیں گے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں