The news is by your side.

Advertisement

پنجاب میں کورونا سے اموات کا سلسلہ جاری، ایک دن میں 58 ہلاکتیں

لاہور: پنجاب میں کورونا وائرس کے باعث ایک دن میں مزید 58 اموات سامنے آئی جبکہ 2 ہزار 700 سے زائد کیسز رپورٹ ہوئے۔

تفصیلات کے مطابق پنجاب میں کورونا وائرس سے اموات کا سلسلہ جاری ہے ، محکمہ صحت پنجاب کی جانب سے تازہ اعدادو شمار جاری کیے گئے ہیں۔

جس میں بتایا گیا ہے کہ ایک روز میں کورونا وائرس سے مزید 58 ہلاکتیں ہوئیں ، جس کے بعد صوبے میں کورونا وائرس سے اموات کی کل تعداد 6 ہزار 485 ہو گئی ہے۔

کیسز کے حوالے سے محکمہ صحت پنجاب کا کہنا تھا کہ پنجاب میں کورونا وائرس کے 2772 نئے کیسز سامنے آئے ، لاہور میں ایک روز کے دوران 1484 کیسز رپورٹ ہوئے۔

اعدادو شمار کے مطابق ننکانہ میں 7، قصور میں 21، شیخوپورہ میں 28، راولپنڈی میں 380، جہلم میں 22، اٹک میں 5، مظفرگڑھ
میں 3، حافظ آباد میں 6 اور گوجرانوالہ میں 68 کیسز رپورٹ ہوئے۔

ترجمان کا کہنا ہے کہ سیالکوٹ میں 79، نارووال میں 6، گجرات میں 37، منڈی بہاؤالدین میں 15، ملتان میں 104، خانیوال میں 7 ، لیہ 1، ڈیرہ غازی خان 16 اور وہاڑی میں 10 کیس سامنے آئے ۔

اسی طرح فیصل آباد میں 188، چنیوٹ میں 6، ٹوبہ ٹیک سنگھ میں 27، جھنگ میں 29 اور رحیم یار خان میں 34 ، سرگودھا میں 48، خوشاب میں 11، بہاولنگر میں 9، بہاولپور میں 58 اور لودھراں میں 17 ، بھکر 1، ساہیوال 23، پاکپتن 8 اوراوکاڑہ میں 14 افراد کورونا سے متاثر ہوئے۔

Comments

یہ بھی پڑھیں