The news is by your side.

Advertisement

کراچی برسات، انتظامی دعوؤں کی قلعی کھل گئی

کراچی میں ہونے والی بارش سے نمٹنے کے لیے انتظامیہ کےدعوے ایک بار پھر دھرے کے دھرے رہ گئے۔

اے آر وائی نیوز کے مطابق کراچی میں گزشتہ شب سے آج صبح تک ہونے والی بارش کے بعد ایک بار پھر شادمان کے علاقے چودہ اے کا نالہ ابل پڑا، جس کے بعد سیوریج کا گندا پانی گلیوں اور گھروں میں پھیل گیا۔

نالے کے گندے پانی کے ساتھ کچرا بھی قریبی فلیٹس اور دکانوں میں داخل ہوا، سیوریج کے پانی کی وجہ سے شہریوں کو شدید مشکلات کا سامنا کرنا پڑا جبکہ ایک سڑک پر ٹریفک کی روانی بھی متاثر ہوئی۔

انتظامی دعوے کے برعکس کئی گھنٹے تک نکاسی آب کا کام شروع نہ کیا جبکہ پانی نکالنے کی مشینیں بھی وہاں نہیں پنہچائیں گئیں تھیں۔

مزید پڑھیں: سمندری طوفان شاہین سے متعلق نیا الرٹ جاری

دوسری جانب نالے میں طغیانی کے باعث کے ڈی اے چورنگی پر کئی فٹ پانی جمع ہوا، جس کی وجہ سے ٹریفک کی روانی بری طرح متاثر ہوئی اور شہری گاڑیوں میں پھنس گئے۔

مقامی افراد نے بتایا کہ ’نالے کے چوکنگ پوائنٹس بند ہونے کی وجہ سے سڑک پر پانی جمع ہوا‘۔

Comments

یہ بھی پڑھیں