The news is by your side.

Advertisement

خاتون پر بہیمانہ تشدد، زبردستی رکشے میں بٹھانے کی کوشش

سکھر: پنو عاقل میں دو ملزمان کی جانب سے خاتون کو بہیمانہ تشدد کا نشانہ بنانے کی ویڈیو منظرعام پر آگئی۔

اے آر وائی نیوز کے مطابق پنو عاقل میں دو ملزمان میں خاتون پر بہیمانہ تشدد کیا اور زبردستی رکشے میں بٹھانے کی کوشش کی، پولیس نے دو ملزمان کو گرفتار کرکے خاتون کو حفاظتی تحویل میں لے لیا۔

متاثرہ خاتون کا کہنا ہے کہ روہڑی سے زبردستی اغوا کرکے نکاح پر نکاح کروایا گیا۔

ملزم میر خان نے پولیس کو بتایا کہ خاتون کی شادی والدین کی مرضی سے کی گئی، خاتون کے والدین کو نکاح کے عوض دو لاکھ 80 ہزار روپے ادا کیے گئے۔

پولیس کا کہنا ہے کہ واقعے کی تحقیقات جاری ہیں، مقدمہ تفتیش مکمل ہونے کے بعد درج کیا جائے گا۔

واضح رہے کہ اس سے قبل سکھر میں سڑک پر کھلے عام ایک شخص نے خاتون کو بہیمانہ تشدد کا نشانہ بنایا تھا اور بالوں سے پکڑ کر سڑک پر گھسیٹا اور تھپڑ مارے تھے۔

 پنو عاقل سے آنے والی ایک ویگن کو رکوا کر ملزم نے اس میں سوار خاتون کو اترنے کے لیے کہا اور انکار پر غصے میں آکر اس شخص نے خاتون کو با لوں سے پکڑ لیا اسے با لوں سے پکڑ کھینچتا رہا۔

بعدازاں ملزم اسلحہ بردار ساتھیوں کے ہمراہ فرار ہونے میں کامیاب ہوگیا تھا۔

Comments

یہ بھی پڑھیں