The news is by your side.

Advertisement

دبئی ایکسپو 2020: بلوچی دھن پر غیر ملکی بھی جھومنے لگے

دبئی میں منعقد ہونے والی سب سے بڑی نمائش میں پاکستانی مصنوعات ، ثقافت اور موسیقی نے دنیا بھر کی توجہ حاصل کرلی۔

دبئی میں رنگا رنگ ایکسپو 2020 کا آغاز چار روز پہلے ہوا، جو آئندہ چھ ماہ یعنی مارچ 2022 تک جاری رہے گی۔ اس نمائش میں پاکستانی پویلین بھی بنایا گیا ہے جہاں  پاکستانی ثقافت کو دنیا کے سامنے اجاگر کیا جارہا ہے،

دبئی ایکسپو میں بلوچی ثقافت مقبول ہورہی ہے جبکہ منتظمین کی جانب سے پاکستانی الیکٹرک کارز، بلوچی کلچر اور ماحولیات پر سیمینار کرائے گئے، علاوہ ازیں  پاکستانی بچوں کی مصوری کی نمائش بھی کی گئی، جس نے لوگوں کی توجہ حاصل کی۔

پاکستانی پویلین ہر کسی کی توجہ کا مرکز ہے، جہاں آنے والے ثقافت اورجدت کےحسین امتزاج  اور بالخصوص بلوچ گانوں کی دھن سُن کر جھوم اٹھتے ہیں۔  بلوچستان کی ثقافتی موسیقی اور رقص دیکھ کر غیر ملکی بھی خوشی سے جھومنے پر مجبور ہورہے ہیں۔

بلوچستان فاریکس ڈیپارٹمنٹ کی جانب سےسینیمار میں پاکستان میں سیاحت کو بڑھانےکےلئے بلوچستان کی خوبصورتی اجاگر کی گئی۔

دبئی ایکسپومیں انوسٹمنٹ بورڈپاکستان، آٹوموبائل انڈسٹری کابھی سینیمار ہوا، جس میں پاکستان کی ماحول دوست الیکٹرک کاروں کو پذیرائی حاصل ہوئی۔

دبئی میں رہنےوالے پاکستانی بچوں نےفن کا مظاہرہ کیا،خوبصورت پینٹنگزسے دبئی ایکسپو کی رونق میں اضافہ ہوا۔بچوں نے رنگوں سےکھیل کرماحولیاتی آلودگی کےخلاف آگاہی دی۔

Comments

یہ بھی پڑھیں